Ғылыми кітапхананың тарихы 1932 жылы КСРО Ғылым академиясының Алматыдағы Қазақстандық базасының алғашқы ғылыми бастауыш ұйымының ашылуымен басталды.

1946 жылы Қазақ ССР Ғылым Академиясының құрылуымен кітапхана Орталық ғылыми кiтапхана статусын алды. Кітапхана дамуының және ғылыми деңгейінің маңыздылығын анықтаудың басында ҚазССР Ғылым Академиясының бірінші Президенті Қаныш Имантайұлы Сәтбаев тұрды. Осы кезеңнен бастап Орталық ғылыми кітапхананың қалыптасу, дамуының жаңа және негізгі кезеңдері басталды.

1957 ж. 1 наурызынан бастап Қазақ ССР Ғылым академиясы Президиумының жарлығымен Нұрхан Бәтішқызы Ахмедова Қазақ ССР Ғылым академиясы Орталық ғылыми кітапханасының директоры болып тағайындалады.

Ғылыми кітапхананың тарихы 1932 жылы КСРО Ғылым академиясының Алматыдағы Қазақстандық базасының алғашқы ғылыми бастауыш ұйымының ашылуымен басталды.

1946 жылы Қазақ ССР Ғылым Академиясының құрылуымен кітапхана Орталық ғылыми кiтапхана статусын алды. Кітапхана дамуының және ғылыми деңгейінің маңыздылығын анықтаудың басында ҚазССР Ғылым Академиясының бірінші Президенті Қаныш Имантайұлы Сәтбаев тұрды. Осы кезеңнен бастап Орталық ғылыми кітапхананың қалыптасу, дамуының жаңа және негізгі кезеңдері басталды.

1957 ж. 1 наурызынан бастап Қазақ ССР Ғылым академиясы Президиумының жарлығымен Нұрхан Бәтішқызы Ахмедова Қазақ ССР Ғылым академиясы Орталық ғылыми кітапханасының директоры болып тағайындалады.

Н.Б.Ахмедова кітап қорының отандық және шетел әдебиеттерімен ғылыми негізде толықтырылуына мүмкіндік жасады. Кітапхана ісінің кей салаларының дамуы үшін мамандарды таңдау, оқыту, мамандарды дұрыс орналастыру, кітап қорын одақтас республикалар кітапханаларының қорларынан алынған кітаптармен толықтыру жұмыстары үнемі жүргізіліп отырды. Кітап қорын қалыптастыру мәселесін Қаныш Имантайұлы Сәтбаев қадағалады. Кеңес Одағының түкпір-түкпіріндегі ірі кітапханалардың резервтегі қорларынан ОҒК қызметкерлері іріктеп алған кітаптар Алматыға контейнерлермен жеткізіліп отырды.

Нұрхан Бәтішқызы басқарған 30 жыл ішінде Орталық ғылыми кітапхана одақтағы академиялық кітапханалар арасында алдыңғы орында болды. Ал, ең үлкен еңбегі – Халықаралық кітап алмастыру жұмысын дамытуы болды. Н.Б.Ахмедова басшылық еткен кезеңде кітапхана әлемнің 46 елінің 266 ғылыми мекемесімен, атап айтқанда, әлемнің ірі кітапханалары – АҚШ-тың Конгресс кітапханасы, Париждің Ұлттық кітапханасы, Нью-Йорктегі көпшілік кітапхана, Пекиннің Мемлекеттік кітапханасы және т.б. кітапханалармен кітап алмастыру жұмысын жолға қойды. 80-жылдары әлемнің 61 мемлекетіндегі 870 ғылыми мекемемен кітап алмасу жұмысын жүргізіп, кітапхананың шетел ғылыми әдебиеттер қоры Орта Азия аймағындағы кітапханалар арасында ең үздігі болды.

Кітапханада қазақ тарихы мен мәдениетіне қатысты ең үлкен қолжазбалар қоры 20 мың, 100-ден аса тілде ғылыми басылымдар жинақталған.

Кітапхана қорында ХІІ-ХVІІІ ғасырлар арасын қамтитын құнды мұралар, баға жетпес қолжазбалар, 900 мыңнан астам шетелдің ғылыми басылымдары сақтаулы. Мысалы, кітапхана қорында әл-Фараби, А.Құнанбайұлы, М.Көпейұлы, Ә.Навои, Ш.Уәлиханов, М.Әуезов, Ә.Диваев, Ә.Марғұлан сынды ірі тұлғалардың қолжазбалары, Абылай ханның хаты, қазақ шежірелері, 3 метрлік орама мата қағазда жазылған «Қазақ хандарының шежіресі», 12-ғасырда бұзау терісіне жазылған 26 метрлік «Тәурат» кітабының қолжазбасы, одан бөлек, 20 мыңнан аса құнды қолжазбалар сақталған.

Деректердің ауқымы өте үлкен: қолжазбалардың түпнұсқалық түрінен бастап, заманауи электронды ақпарат тасымалдаушыларға дейінгі аумақты қамтиды.

ҚР Білім және Жоғарғы Білім министрлігі Ғылым комитеті «Ғылым ордасы» РМК Орталық ғылыми кітапханасы өте құнды сирек кітаптар мен қолжазбалардың иесі.

Кітапхананың «Ұлы тұлғалар», «Қазақстан ғалымдарының биобиблиографиясы», «Афидология бойынша библиография. 1712-2007», «Қазақстанның табиғаты және табиғи ресурстары», «Қазақстан және әлемдік қауымдастық», «Қазақстанның тарихи – мәдени мұрасы», «Қазақстандағы ғылым және ғылыми зерттеу жұмыстары» атты сериялар. Сонымен қатар, кітапханадан ҚР БҒМ ҒК ғылыми жобаларына қатысып, «История Казахстана дореволюционный период» І-ІІ том, «Источники и литература по истории города Алматы» басылымдары жарыққа шықты, ал кітапхана жоспарлары бойынша «Ғылыми кітапхананың қолжазбалар қорында сақтаулы материалдар жинағының мазмұндалған библиографиялық көрсеткіші» 1-7 том, «Ғылыми кітапхана қорында сақтаулы шет тіліндегі сирек кездесетін кітаптардың мазмұндалған суретті библиографиялық көрсеткіші», «ҚР БҒМ ҒК «Ғылым ордасы» РМК Ғылыми кітапхананың Сирек қорындағы парсы тіліндегі кітаптардың каталогы» атты ғылыми басылымдар жарық көрді.