Музейлер
«Ғылым ордасы» РМК Қазақстан ғылымының тарихы музейі Ш.Ш. Уәлиханов атындағы «Алтын-Емел» мемориалды музейімен бірлесе отырып, тарихшы, этнограф, фольклорист, саяхатшы, ағартушы Шоқан Уәлихановтың туғанына 190 жыл толуына орай ғылыми-мәдени, танымдық іс-шара ұйымдастырды. Іс-шара барысында Ш.Ш. Уәлиханов ескерткішінің алдына гүл шоқтары қойылып, ғалым мұрасына тағзым жасалды. Іс-шараның негізгі бөлімінде ағартушының ғылыми еңбектері мен отан тарихындағы орнын айқындау мақсатында тақырыптық баяндамалар оқылып, келушілер назарына «Алтын-Емел» музейі қорынан алынған экспонаттар: ғалымның еңбектері, құжаттары, фотосуреттері мен жеке заттарынан тұратын көрме ұсынылды.
Іс-шараға мәдениет және ғылым саласын қайраткерлері, ғалымдар, музей мамандары, мектеп оқушылары мен ұстаздар қатысты.